കവിത. നവരാത്രിമണ്ഡപം. .................................... നവരാത്രിമണ്ഡപ - മൊരുങ്ങിയല്ലോ , സുന്ദരസൂനങ്ങൾ നിറം പകർന്നു, കുങ്കുമതിലക - മണിഞ്ഞു സന്ധ്യ, ഓങ്കാരമന്ത്രം ജപിച്ചു ആഴി , മന്ത്രധ്വനികളും കീർത്തനവും മണികിലുക്കത്തിന്റെ നാദങ്ങളും ധൂപസ്സുഗന്ധവും ദീപങ്ങളും സ്വർഗ്ഗപ്രതീതി പരത്തിയെങ്ങും , ശക്തിസ്വരൂപിണി ജഗദംബിക മന്ദസ്മിതത്തോടെ നിൽപ്പൂ മുന്നിൽ , പാർവ്വതി, ലക്ഷ്മി, സരസ്വതി, ഭാവങ്ങൾ ദർശനവേളയിൽ മിന്നിമാഞ്ഞു , പ്രകൃതിയുമൂർജ്ജവും ഇന്ദ്രിയലോകവും നിന്നുടെ ലീലകൾ സർവ്വേശ്വരി , എന്നുടെ ബുദ്ധിയും ഞാനെന്ന ബോധവും നീ തന്നെയല്ലയോ കരുണാനിധി, ഏകത്വഭാവനയെന്നിൽ പുലരുവാൻ അനുഗ്രഹിക്കേണമേ വിദ്യാദേവി, നിന്റെയാധാരമാം ബ്രഹ്മപുരിയിലേ - ക്കെന്നെയും കൂട്ടണേ പരമേശ്വരി . 🙏🙏🙏🌹🌹🌹 Dr Manoj M R.