നീലക്കുറിഞ്ഞികൾ
കവിത. നീലക്കുറിഞ്ഞികൾ ....................................... നീലക്കുറിഞ്ഞികൾ പൂത്തുനിന്നീടവെ കുന്നുകളുദ്യാന - ശോഭയാർന്നു , നീലനിറമുള്ള പൂക്കടൽ കാണവെ എന്മനമാനന്ദ - സാന്ദ്രമായി , മന്ദസമീരനിൽ ചാഞ്ചാടും പുഷ്പങ്ങൾ എത്ര മനോഹരം! എന്തു ഭംഗി ! സംവത്സരങ്ങളായ് കാണാതിരുന്നവർ കൊഞ്ചിക്കുഴയു - മ്പോലാടിടുന്നു , തന്റെ സ്വകാര്യങ്ങൾ പങ്കുവയ്ക്കുന്നവർ, സങ്കൽപ്പസ്വർഗ്ഗങ്ങൾ തീർത്തിടുന്നു , ആകാശനീലിമ പുഷ്പദലങ്ങളിൽ വർണ്ണം പകർത്തിയോ സ്നേഹമോടെ, തലയെടുപ്പുള്ള വരയാടിൻ കൂട്ടങ്ങൾ ഉദ്യാനപാലക - രായി നിൽക്കെ, തേൻ കുടിച്ചുന്മത്ത - രായ കിളിക്കൂട്ടം ലോകരെയെല്ലാം ക്ഷണിച്ചുവല്ലോ, പുഷ്പദലങ്ങളിൽ വീണുറങ്ങീടുന്ന മഞ്ഞുകണങ്ങൾ മധുരമാർന്നു , സൗമ്യസ്സുഗന്ധം നുകർന്ന മാനുഷരും മൗനരായ് , ധ്യാനനിരതരായി, വർണ്ണപ്രപഞ്ചത്തിൻ ചാരുത കാണുമ്പോൾ നമ്മെ മറക്കും നാ- മല്പനേരം, ആകുലചിന്തകൾ പാടേ മറന്നിട്ട് ഇത്തിരിനേരം നാം ശാന്തരാകും , ഇനിയും നീ പൂക്കുന്ന വ്യാഴവട്ടക്കാലം കാത്തിരിപ്പുണ്ട് മാലോകരെല്ലാം , പുത്തൻ മിഴികളും...