തെയ്യം
ഈ നവ്യരാത്രിയിൽ തറവാടിൻ മുറ്റമൊരു തെയ്യത്തിൻ കളിയാട്ട വേദിയായി, ഗ്രാമങ്ങൾ കാണുവാൻ, ആശ്വാസമേകുവാൻ, ദൈവങ്ങൾ തെയ്യമായ് വന്നു നാട്ടിൽ, മാനത്തെ അമ്പിളി കളിവിളക്കായല്ലോ താരകൾ കൈത്തിരി യേന്തി നില്പു, ധ്യാനിച്ചു നിൽക്കുന്നു മാവും മരങ്ങളും ചെമ്പകപ്പൂമണം തങ്ങിനിൽപ്പൂ , ചെമ്പട്ടണിഞ്ഞ ഭഗ - വതിയമ്മയ്ക്കായ് നെയ്ത്തിരി നാളങ്ങൾ കൺതുറന്നു, ചന്ദനധൂപവും കർപ്പൂരദീപവും നല്ല സുഗന്ധം പരത്തിയെങ്ങും, പിതൃക്കളും ലോകരും തറവാട്ടുമൂപ്പന്മാരും പ്രാർത്ഥനയോടങ്ങു കൈകൾ കൂപ്പി, ഗുളികനും വിഷ്ണുവും ഭഗവതിത്തെയ്യങ്ങളും നാടിനു കാവലായ് എന്നുമുണ്ടേ, ചെന്താമരപ്പൂവിൻ ചന്തമോടെ മുഖം , ചായില്യച്ചോപ്പിൻ മുഖത്തെഴുത്തും, കണ്ണിനുചുറ്റും കറുത്ത വരകളും, തെച്ചിപ്പൂച്ചേലൊത്ത ചുണ്ടുകളും, കണ്ഠത്തിൽ വെട്ടി - ത്തിളങ്ങുന്നു മാലകൾ, മണികൾ കിലുക്കുന്നു കാൽച്ചിലമ്പ്, മിന്നുന്ന പാവാട കാറ്റിലുലയുന്നു, ഓടിനടക്കുന്നു തെയ്യക്കോലം, ദോഷമകറ്റുവാൻ പാടുന്നു തോറ്റങ്ങൾ, തീക്കട്ടക്കൺകളിൽ കാണാം സ്നേഹം, മുറുകിത്തിമിർക്കുന്ന ചെണ്ടപ്പെരുക്കത്തിൽ ഉറഞ്ഞങ്ങു തുള്ളുന്നു തെയ്യക്കോലം, തിരുമുടിയേറ്റിലെ തെങ്ങിൻകുരുത്തോല ആകാശത്തോള- മുയർന്നുപൊങ്ങി, തെയ്യത്തിൻ കൈയ്...