Thapovanam

ശ്രീരാമകൃഷ്ണപരമഹംസൻ .................................... രൗദ്രയാം കാളിതൻ മാനസപുത്രനായ് പാരിൽ പിറന്നോരു  ചൈതന്യമേ, രാമനും കൃഷ്ണനും ചൈതന്യദേവനും സമനായിരുന്നോരു ചൈതന്യമേ, നിൻ ഹൃദയത്തിൻ വിശുദ്ധിയാലിന്നുമീ- യാത്മീയലോകം ജ്വലിച്ചുനിൽപ്പൂ, നിൻ വചനാമൃത- മൂട്ടും ബലത്തിനാൽ ഞങ്ങളും തേടുന്നി- താത്മശുദ്ധി. Dr Manoj M.R.

മലയാളം. .................  വാക്കിലെ തേനാണ് ഭാഷ, ഹൃദയത്തിന്നഴകാണ് ഭാഷ, അകതാരിലമൃതാണ് ഭാഷ, സ്നേഹത്തിൻ നിറവാണ് ഭാഷ, മലയാളമെന്നുമെന്നമ്മ, മനതാരിലെന്നുമെൻ പുണ്യം, അക്ഷരദേവതയെന്നും  എന്നിൽ ചൊരിഞ്ഞ നിവേദ്യം. Dr Manoj. M. R.

ഭക്തിഗാനം. കൊടുങ്ങല്ലൂരമ്മ. ............................. കൊടുങ്ങല്ലൂർ വാഴുന്ന ശ്രീകുരുംബേ, ജഗദംബികേ, മഹാകാളിയമ്മേ, നിന്നെ ഭജിക്കുന്ന ഭക്തനായി, നിൻ സവിധത്തിലായ് നിൽക്കുന്നു ഞാൻ, ആദിപരാശക്തീവീര്യമായി പാരിൽ കുടികൊള്ളും ചൈതന്യമേ, അനുഗ്രഹിക്കൂ എന്നെയനുഗ്രഹിക്കൂ, സായൂജ്യഭക്തിതൻ കൃപ ചൊരിയൂ (കൊടുങ്ങല്ലൂർ) രുധിരം രുചിക്കും നിൻ ചേല കണ്ടാൽ, ആസുരചിന്തകൾ പോയ്മറയും, ചിലമ്പിൻ മണിനാദം കേട്ടുവെന്നാൽ, ധൈര്യം നിറയുന്നു മാനസത്തിൽ (കൊടുങ്ങല്ലൂർ) വാളിന്റെയുജ്ജ്വല - ശോഭയേറ്റാൽ, എങ്ങിനെയഹന്ത - യെന്നുള്ളിൽ വരും, അമ്മതൻ വാത്സല്യ - മിഴികളെന്നെ, തഴുകിത്തലോടി രസിക്കയല്ലേ (കൊടുങ്ങല്ലൂർ) Dr.Manoj M.R.