Thapovanam

അച്ഛൻ. ............... കർക്കശഭാവത്തി- നുള്ളിലും നേരുള്ള കരുതൽത്തണലിൻ നിഴലാണെന്നച്ഛനും, ക്ഷോഭത്തിരമാല പൊങ്ങിക്കുതിക്കിലും  സ്നേഹത്തിന്നാഴക്ക - ടലാണെൻ താതനും, വാക്കിലും നോക്കിലും തീ പാറുമെങ്കിലും  ഉള്ളം തണുപ്പിക്കും വെണ്ണിലാവാണച്ഛൻ, ഏറെപ്പരുഷമീ നാദമെന്നാകിലും  കനിവൂറും ഗാനങ്ങൾ കേൾക്കാമെൻ താതനിൽ, നിൻപ്രേമസാന്നിധ്യ- മില്ലാത്തീ വേളയിൽ നിൻപദനിസ്വനം കാതോർത്തിരിക്കുന്നു, ഞാനുമിന്നച്ഛനായ്  കാലത്തിൻയാത്രയിൽ, അച്ഛന്റെ ഭാവങ്ങ- ളെന്നിലും വന്നുപോയ്. Dr Manoj M R.

ചാരെ . ............. നിഴലായെന്നും ചാരെ, കേൾവിയായി,പേനയായി, ആദ്യത്തെ വായനയായി, വിമർശനത്തിൻ മുനയായി, അമ്മയായി,പ്രണയമായി, സ്നേഹനൊമ്പരമായി, ചിലനേരം കോളാമ്പിയായി, കവിയുടെ പ്രിയപത്നി നിഴലായെന്നും ചാരെ. Dr Manoj M R.

കവിത. ജൈവക്കലവറ. ............................... ഉഷാകിരണങ്ങൾ  വാനിലുദിക്കവെ  നിഴലിന്റെ കൊട്ടാരം  തീർത്തുവെൻ തേന്മാവ്, ആ മരക്കൊമ്പിന്മേ - ലോടിക്കളിക്കുന്നു  ആഹ്ളാദചിത്തരാ - മണ്ണാറക്കണ്ണന്മാർ, പുന്നാരം ചൊല്ലിക്ക - ളിക്കുന്നു മൈനകൾ, വിസ്മയരാഗങ്ങൾ  പാടുന്നു കോകിലം, മാവിനെ പുൽകുന്ന  മുളകിന്റെ വള്ളിയിൽ  വരിയായി നീങ്ങുന്നു  ചോണനുറുമ്പുകൾ,  സുസ്മിതശോഭിനി - മാരായി നിൽക്കുന്നു  സുന്ദരസൂനങ്ങ - ളെന്നുടെ മുറ്റത്ത്, വെണ്ണിലാപ്പാലുകു - ടിച്ചുമദിച്ചോരു  കാതരയാമെന്റെ  വെള്ളമന്ദാരവും , മണ്ണിൽ കൊഴിഞ്ഞോരു  താരകൾപോലവെ  പൊട്ടിവിരിഞ്ഞയെൻ  നന്തിയാർവട്ടവും ,  ചുംബനമേകിയ  മഞ്ഞുകണത്തിന്  പൂമണം തൂകിയ  പനിനീർപുഷ്പവും,  കണ്ണുകുളിർപ്പിക്കും  ചെമ്പരത്തിപൂവും, രക്തപുഷ്പാഞ്ജലി  നേരുന്ന തെച്ചിയും,  ചേലുള്ള വർണ്ണച്ചി - റകുകൾ വീശീട്ട്  പാറിപ്പറക്കുന്നു  ചിത്രശലഭങ്ങളും ,  തെക്കേത്തൊടിയിലെ  പ്ലാവിൻ ചുവട്ടിലായ്  സ്വപ്നങ്ങൾ നെയ്യുന്നു  പയ്യും കിടാക്കളും, വ്യഗ്രതയോടെന്തോ  ചിക്കിച്...