Thapovanam

കവിത. യേശുനാഥൻ. ............................. കദനത്തിൻ കയമാകു- മെൻ ഹൃദയം, നിന്നെയും കാത്തുനിന്നു, സ്വാർത്ഥത തിങ്ങുമെൻ മാനസവും, നിനക്കായൊരുങ്ങി നിന്നു, കാരുണ്യസമ്പന്ന- ചൈതന്യമേ ! ഇന്നെന്നിൽ പിറന്നു നീയും, നിൻ തിരുസാന്നിധ്യ- മെന്റെയുള്ളിൽ  പരമമാം ശാന്തിയായി, നിന്നിൽ ശരണ - മടഞ്ഞയെന്നിൽ സ്നേഹത്തിൻ ഉറവയൂറി, എൻ ഹൃദയത്തിലെ ദു:ഖമെല്ലാം  ജലരേഖയായി മറഞ്ഞു, ധന്യത സാന്ദ്ര- നിലാവുപോലെ  എന്നുള്ളിൽ നിറഞ്ഞുതൂകി, സ്വർഗ്ഗീയജീവിത - മധുരിമ ഞാൻ നുകരുന്നുവനുനിമിഷം . 🌹🌹🌹🌹🌹🌹 Dr Manoj M R.

കവിത. നില്പുസമരം. ......................... ഒറ്റമനസ്സായ് കാലുകളൂന്നി ഉറച്ചുനിന്നൂ വീഥിയിൽ നാം , വെയിലിൽ ചുട്ടുപഴുക്കുമ്പോഴും  ദൃഢമായ് നിൽക്കും മലപോലെ , ഏകാഗ്രതയുടെ പടവാളോങ്ങി ഉണർന്നുനിൽപ്പൂ ഹൃദയങ്ങൾ, തീക്കാറ്റേറ്റു തിളയ്ക്കുമ്പോഴും  ക്ഷീണിക്കാത്തൊരു പനപോലെ , പ്രതിഷേധത്തിൻ കോട്ടയുദിച്ചു  അധികാരത്തിൻ  ഭൂമികയിൽ , നീതിക്കായൊരു  മുദ്രാവാക്യം പ്രതിധ്വനിച്ചു  ഗഗനത്തിൽ , പ്രക്ഷോഭത്തിൻ  കൂരമ്പിന്ന് തറച്ചുവല്ലോ  മർമ്മത്തിൽ , ധർമ്മത്തിന്റെ ചോദ്യമുയർന്നു അധികാരത്തിൻ ശ്രേണികളിൽ , വിജയംവരെയും തുടരും നമ്മൾ സഹനത്തിന്റെ  സമരങ്ങൾ , പദങ്ങളൂന്നി  ഉറച്ചുനിൽക്കും  ജയം ജ്വലിക്കും  പുലരിവരെ . Dr Manoj M R, Consultant Paediatrics, General Hospital, Thiruvananthapuram. Mob . 9387836710.

കവിത. യേശുനാഥൻ. ............................. കദനത്തിൻ കയമാകു- മെൻ ഹൃദയം, നിന്നെയും കാത്തുനിന്നു, സ്വാർത്ഥത തിങ്ങുമെൻ മാനസവും, നിനക്കായൊരുങ്ങി നിന്നു, കാരുണ്യസമ്പന്ന- ചൈതന്യമേ ! ഇന്നെന്നിൽ പിറന്നു നീയും, നിൻ തിരുസാന്നിധ്യ- മെന്റെയുള്ളിൽ  പരമമാം ശാന്തിയായി, നിന്നിൽ ശരണ - മടഞ്ഞയെന്നിൽ സ്നേഹത്തിൻ ഉറവയൂറി, എൻ ഹൃദയത്തിലെ ദു:ഖമെല്ലാം  ജലരേഖയായി മറഞ്ഞു, ധന്യത സാന്ദ്ര- നിലാവുപോലെ  എന്നുള്ളിൽ നിറഞ്ഞുതൂകി, സ്വർഗ്ഗീയജീവിത - മധുരിമ ഞാൻ നുകരുന്നുവനുനിമിഷം . 🌹🌹🌹🌹🌹🌹 Dr Manoj M R.

കവിത. മണ്ണ് . .............. മണ്ണാണു ജീവിതം തന്നോരമ്മ, മണ്ണാണു ജീവനും  ചൈതന്യവും , നെഞ്ചിൽ ചവിട്ടി നടക്കുമ്പോഴും  ഓർക്കുന്നു മാതാവേ നന്ദിപൂർവ്വം, ചോറും കറികളും പാനീയവും  ഊട്ടിത്തരുന്നതും നീയല്ലയോ, നവ്യവസന്തവും സംഗീതവും  മലരിൻ സുഗന്ധവും നീയൊരുക്കി , കുട്ടിക്കുറുമ്പാലേ  നിന്റെ ദേഹം വേദനിപ്പിച്ചു  നിരന്തരം ഞാൻ , എങ്കിലും വാത്സല്യ - ഭാവമോടെ മധുരം വിളമ്പും  ദയാമയി നീ . 🌹🌹🌹🌹🌹🌹 🌾🌾🌾🌾🌾🌾 Dr Manoj M R.