ഒരു JCB ഗാഥ

കവിത.

ഒരു JCB ഗാഥ.

..............................

അന്യദേശവാസിയായി 

വന്നുചേർന്നുവെങ്കിലും,

സ്വീകരിച്ചു നിന്നെ നാം

ആംഗലേയമെന്നപോൽ,

എത്രയെത്ര റോഡുകൾ,

എത്രയെത്ര തോടുകൾ,

ക്ഷീണമൊന്നുമേറ്റിടാതെ

ഒരുമയോടെ വെട്ടി നാം ,

മലയിടിച്ച കഥകളും

വീടിടിച്ച ചരിതവും 

പാവമായ നിന്റെ മേലെ

കെട്ടിവച്ചു നാട്ടുകാർ,

സ്വാർത്ഥരായ മർത്ത്യരും

കപടമായ പത്രവും 

വികൃതമായ മുദ്രയായ്

വരച്ചു നിന്നെ നിത്യവും,

പ്രിയങ്കരനാം ജെ സി ബി,

നീയെനിക്കു സോദരൻ,

ഭാരമൊന്നു ചുമന്നിടാൻ 

തുണപകർന്ന തോഴനും,

നന്മതിന്മ, ജീവിതത്തി-

ലെന്നുമുള്ള സംഗതി,

ശ്രേഷ്ഠമായ ലക്ഷ്യമോടെ

വൃത്തികൾ പകുത്തിടാം.

🌹🌹🌹🌹🌹🌹

Dr Manoj M R.