മരിച്ചവരുടെ ഭാഷ

മരിച്ചവർ നമ്മോടെങ്ങനെ

സംസാരിക്കുന്നു

നക്ഷത്ര കിരണങ്ങളായോ നിലാവെളിച്ചമായോ

നിഴലായോ മങ്ങിയ പ്രതിരൂപങ്ങളായോ ?

അളവില്ലാത്ത ശൂന്യതയായോ

മരിച്ചവർ നമ്മോടെങ്ങനെ

സംവദിക്കുന്നു

തഴുകുന്ന മാരുതനായോ

തണുപ്പായോ 

പാലപ്പൂവിൻ മണമായോ?

നിശ്ശബ്ദതയുടെ താഴ്വാരങ്ങളിലെ

പദനിസ്വനങ്ങളോ ദലമർമ്മരങ്ങളേ

,,

, നമ്മിലെ ഓർമ്മകൾ തന്നെയാണല്ലോ

ചിന്താ രൂപങ്ങളും ഹൃദയം നിറയ്ക്കുന്ന വികാരങ്ങളും

അനുഭവങ്ങളായി അവർ

നമ്മിൽ ജീവിക്കുന്നു.

മരിച്ചവർ നാം തന്നെ.