Thapovanam

അനിൽജി ..... .......................... അനിലനെപ്പോലെ ചലിക്കുന്ന പാദങ്ങൾ, സൗമ്യതയെന്നും  വിളങ്ങും വദനവും, പെരുമാറ്റത്തിൽ  കുലീനത്വലക്ഷണം, വേദനയ്ക്കാശ്വാസ - മേകുന്ന വാക്കുകൾ, അകതാരിലെന്നും  സൗഹൃദം പൂക്കട്ടേ, നന്മകളെന്നും  നിലാവ് പരത്തട്ടേ , ആയുരാരോഗ്യ - സൗഖ്യം പുലരട്ടേ, ജീവിതമിനിയും പ്രശാന്തി ചൊരിയട്ടേ. 🌹🌹🌹🌾🌾🌾 Dr Manoj M R.

നുറുങ്ങുകവിത. സൗഹൃദം . ....................... ഒഴുകിത്തിമിർക്കുന്ന  പുഴപോലെ സൗഹൃദം, തിരയായ് ചിരിക്കുന്ന കടലാണ് സൗഹൃദം, സ്നേഹം പരത്തുന്ന മാരുതൻ / കാറ്റാണ് സൗഹൃദം, ആകാശമെന്നേ പോൽ നിർമ്മലം സൗഹൃദം . 🌹🌹🌹🌹🌹🌹 Dr Manoj M R.

കവിത. എം ടി . ................ പെരുമഴപ്പിറ്റേന്ന്  നിറയുന്ന നിളയുടെ  ലാസ്യവും മൗനവും  സംഗീതവും, നാലുകെട്ടിന്റെ  ചുവരുകൾക്കുള്ളിലെ  വേദനപ്പൂക്കളും നിശ്വാസവും , മഞ്ഞുകണത്തിന്റെ നൈർമ്മല്യവും , വാനപ്രസ്ഥത്തിൻ നിസ്സംഗതയും , രണ്ടാമൂഴം തളിർ - ച്ചൂടുവാനില്ലാത്ത നീർപ്പോളജീവിത - നിമിഷങ്ങളും , ഒപ്പിയെടുത്തൊരാ തൂലികച്ചിത്രങ്ങൾ കല്പാന്തകാലം  തെളിഞ്ഞുനിൽക്കും, കൂടല്ലൂരിന്റെ കഥാകാരനെന്നെന്നും മലയാളഭാഷതൻ പുണ്യമല്ലോ ! 🌹🌹🌹🌹🌹🌹 Dr Manoj M R.

കവിത. ഗുരുപൂർണ്ണിമ . .............................. ചാരത്തണഞ്ഞെന്റെ ഉള്ളിലെ ചന്ദ്രനായ്  ആത്മീയപാത തെളിക്കുന്ന ചേതന, വിറകൊള്ളും മാനസം  ഗുരുവിന്റെ സ്മരണയിൽ ശാന്തമാകുന്നിതാ ! എന്റേയുമനുഭവം, രൂപമില്ലെങ്കിലും നാമമില്ലെങ്കിലും ചന്ദ്രികപോലെ നിറയുന്ന ചൈതന്യം, പ്രപഞ്ചസാരം ഈ സദ്ഗുരുപൂർണ്ണിമ ! ജീവിതസാരം ഈ അദ്വൈതപൂർണ്ണത ! 🙏🙏🙏🙏🙏🙏 Dr Manoj M R.

ശ്യാംസുന്ദർജി... .............................  പട്ടാളക്കാരന്റെ  ചിട്ടയില്ലെങ്കിലും  പട്ടാളക്കാരന്റെ ധൈര്യമുള്ളോൻ , ഉദ്യോഗപർവ്വത്തിൻ സായാഹ്നമെങ്കിലും  ഉന്മേഷമൊട്ടും  കുറയ്ക്കവേണ്ട, ശ്യാമാംബരത്തിലെ  നക്ഷത്രമിഴികളിൽ കഥകളിമുദ്രകൾ മിന്നിനിൽക്കെ, സുന്ദരരാഗങ്ങൾ, സുന്ദരഭാവങ്ങൾ, ഇനിയും ആ ഹൃത്തിൽ തളിർത്തിടട്ടേ. 🌹🌹🌹🌾🌾🌾 Dr Manoj M R.